LL234 Fijian Language and Literacy I

Me ra vakavulici taumada e na nodra kila na vosa vaka-viti raraba , ( vosa vaka-bau ) ka me vakarawarawataka na veituberi ena vuli wilivola, veitalanoa, kei na nodra vola e so nai talanoa leleka.Me vakarawarawa taka talega na nodra vulica na serekali, sere vata kei na meke.Na nodra vakayarayarataki na vulica na vosa vaka-viti raraba oqo,baleta o viti ni levu tu kina na veimataqali vosa ni sucu,koya na nodra dui vosa ni vanua ka dau dredre sara me ra kila totolo na vosataka vaka vinaka.Ni ra sa kila vinaka na vosa vaka-viti raraba oqori sa na qai taladrodro kina na nodra vosataka ka rawarawa talega na nodra vola kei na wilika. E du na ka me tauri sara vakalevu na nodra dau talanoa ena veimataka mai na ka era taleitaka, me vaka na qiti, kakana, i tokani, se cava era raica mai gaunisala se dua nai yaloyalo ka kabi tu beka e lalaga ( oral morning talk ) Ni ra sa rawata qori, sa na qai rawa ni levu na vosa era kilana kena i balebale, rawa tale ga ni ra vola i yatu vosa ka yaco me ra vola i talanoa talega.

Na usutu ni kilai totolo na wilivola vaka-viti sa i koya na kena vakatavulici vakavinaka ni rorogo mai na i vakatekivu, kalasi 1 ka lako cake ki na kalasi 4. Na rogo talanoa ka lakovata kei na vakatasuasua ena vukei ira sara me ra dau bula veimaliwai ka bulia cake na nodra bula ni kila ka. Me ra vakatavulicinena i tovo ni vakarokoroko e vale, valenivuli, valenilotu, vei ira na nodra i tubutubu, qase ni vuli kei ira na qase cake. Na tara e dua na ka e cake ka ra vakacobocobo. Na vakayagataka na vosa ’tilou’, vinaka, yadra, moce,bula vinaka, mai kana, kemuni, saka, kei na kerekere.